இணையத்தில் எனது இதயத்தின் குரல்

  தை பிறந்தது  நடந்ததை மறந்திரு  தை பிறந்தது  நடப்பதை நினைத்திரு  தை பிறந்தது  வருவதை அழைத்திரு  இறைவனவன் தருவதைக் களித்திரு  உள்ளத்தை உயர்த்திடு உயர்ந்ததை உணர்ந்திரு உணர்ந்ததை பகிர்ந்திரு பகிர்ந்ததை உவந்திரு வஞ்சத்தை வடித்திரு நெஞ்சத்தை நிமிர்த்திடு நல்லதை  இணைந்திரு அல்லதைப் பிரிந்திரு சொல்லதைச் சுவைத்திரு பொருளதைப் புரிந்திரு தேசத்தை  நேசித்திரு மொழியைப் பூசித்திரு திருவெலாம் சேரட்டும் தைத்திருநாளில் கூடட்டும் புதிய தை புதியதை கொடுக்கட்டும் இனிய தை இனியதைக் கொடுக்கட்டும்

இறையருள் என்பது இனிதானதொன்று  இறையருள் என்பது இதமானதுமன்றோ  இறையருள் பெறவே  இமய வலம் வேண்டாம் இறைஞ்சி உருகும் இதய வளம் போதுமே பணத்தால் பக்தியை அளப்பது மனித குணம்  மனத்தால் அருளை அளிப்பது இறைவன் குணம் பூசலார் நாயனார் மனக்கோவில் பூசனைகள் ஏற்றவன் இறைவன் படித்தால் மட்டும் படுவது அல்ல பரம்பொருள்  படிந்து வணங்கிட படிவது பரமன் அருள் வரம் தரும் அருளோ  வரம்பற்றது வரவு செலவு கணக்கோ அவன் அறியாதது புண்ணியம் என்பது பண்ணிய வினையின் விளைவேயாம் பங்களிப்பை பொறுத்து  பகிர்ந்தளிக்கப் படுவதில்லை  சங்கு உண்டு சக்கரம் கதையும் உண்டு பொங்கும் இசைக் குழலும்  உண்டு கோபாலன் கரங்களிலே சிங்க முகமும் உண்டு சீறிய விழியும் உண்டு எங்கும் காணவில்லை எடைக்கல்லும் துலாமும் ஆன்மீகத்தில் இப் படி  அப் படி  காண்பது எப்படி அது தப்படி சான்றோர் உரைப்படி நடப்பது முதற்படி நான் எனது ஒழிய முதற்படி  முதிர்ந்துவிடும் முற்றுப்படி யாகிவிடும் எளிமையாக வணங்குவோம்  முழுமையாக வணங்குவோம் கடந்தது கடந்ததாக இருக்கட்டும் நடப்பது நல்லதாக நடக்கட்டும் கடந்த கால கசப்புகள்  வருங்கால  வசந்தங்களாகட்டும் இறையருள் இனிதானது  இறை அருள் இதமானது

பெண்களே.. உங்கள் வதனத்தின் அமைதி புவனத்தின் இரைச்சலைக்  கரைத்திடுமே  இளநங்கையின்  சிறு புன்னகை இதயத்துப் புயலையும் மறைத்திடுமே பாவையின் இருவிழி அசைவு பாரினில் இயக்கத்தை நிறுத்திடுமே உங்கள் இமைகளின் துடிப்பு இமயத்தையும் உருக்கிடுமே  மங்கை உங்கள் எண்ணத்தின் மேன்மை எழும்  கொடுமைகளை நொறுக்கிடுமே  முப்பத்து மூன்று விழுக்காடு  முதல் மரியாதைக்கு இல்லை ஈடு மூவுலகும் போற்றும் வண்ணம் மூவேந்தர் போல்  ஆள்வது திண்ணம்  நீங்கள் சாதிக்க வந்து விட்டீர்கள்  இனி சாதனைகள் தோற்றுவிடுமே நீங்கள் விதி செய்ய வந்துவிட்டீர்கள்  இனி விந்தை பல தோன்றிடுமே உங்கள் சக்தியை அறிந்து கொண்டால் இந்த செகமெல்லாம் இணைந்து மகிழ்ந்திடுமே பெண்மையைப் போற்றிடுவோம் பெரும் சக்தியைப் போற்றிடுவோம் உண்மையை சாற்றிடுவோம் உலக சோதியை ஏற்றிடுவோம் வாழ்க பாரதம்..

  நீலத்துகில் மேவும் குளிர்த்தடாகம் அவன் நீண்டு  மணக்கும்  நல்ல தாமரை அவள் விரிந்த இரவின் பரந்த வானம் அவன் வரைந்த அழகுச் சித்திர நிலவு அவள் பஞ்சென மிதக்கும்  பனிமேகம் அவன் பளிச்சென ஒளிரும் படர் மின்னல் அவள் தென்திசை தவழும் தென்றல் அவன் தித்திக்கும் தீந்தமிழின் இசை அவள் கரைகளைக் காணாக்  கடல் அவன் கலையென புரளும் அலை அவள் கண்ணிரண்டு காண்பது ஒன்றேயென உடல் இரண்டு உணர்வு ஒன்றேயாகி இருவரும் இரண்டல்ல ஒன்றே என்றே இறைவன் அருள் மழை பொழிய ஈன்றவர் அன்பு மழை பொழிய தந்தையின் பாராட்டும் தாயின் சீராட்டும் கலந்த காதல் வாழ்க... உண்மைக் காதல் வாழ்க.... Reply Forward

  கண்கள் திறந்தன காட்சிகள் விரிந்தன மங்கலாகத் தெரிந்த தூரத்துப் பச்சை மங்களம் மிகுந்து தெளிவாய் மிளிர்கிறதே எங்கும் ஒளி எதிலும் பளிச்சென பொங்கும் அழகு பூத்து ஒளிர்கிறதே பூமி புதிதாகப் பிறந்துவிட்டதா   சூரியன் மறைய மறந்துவிட்டதா ஓ..புதிய பார்வை கிடைத்துவிட்டதோ... கண்ணிமை கருவிழி காத்து நிற்கும் விழிவில்லை விழிவில்லை ஒளிமங்க முதுமை தரும் கருந்திரை  விஞ்ஞான வியப்புமிகு செரிவுநிறை சீரொளி விரைந்து இயங்கி புரைகரைக்கும் ஊடொளி புதிய பார்வை தந்துவிடும் புத்துலகைக் காட்டிவிடும் கண்ணில் விழுந்த புரைதனை போக்கிடலாம் மண்ணில் விழுந்த புரைகளை என் செய்வோம் போற்றத்தகு பெண்மையை தூற்றிவிடும் துயரம் பெண் சக்தி பேசிவிட்டு வன்புத்தியே தொடரும் அரசியலில் ஆதாயமட்டுமே தேடி நிற்கும் அவலம் ஆட்சியில் மாட்சியென்பது  வெறும் காட்சியான மடமை கல்விக்கு விலைவைத்து கலைகளைக் கொலை செய்து கலாச்சாரத்தைக் காலால் மிதிக்கும் கொடுமை கருப்பப்பணம் கள்ளச்சந்தை கலக்கம் தரும் கயமை நாகரீக மோக மது தடுமாறும் தலைமுறை நல்லியல்பு தெய்வீகம் நலிந்துவரும் நடைமுறை எத்தனை புரைகள் இந்த சமுதாயத்தில் என்று புரியும் என்று விடியும் இறைவா.... விஞ்ஞான ச

நிலைத்து நிறுத்தி நிலவின்  மண்ணைத் தொட்டு நின்றது விக்ரம்  அலையாக அசைந்து இறகாக  இலகுவாக இறங்கி வென்றது சிலிர்த்து சீறிப் பாய்ந்த சிங்கம்   மதியின் அழகில் மதி மயங்கி சிறு குழந்தை போல்  முத்தமிட்டதோ... பனி தரும் நிலவின் வீதியில் பவனி வரும் பாரதத் தேர் வேண்டுதல்கள் விண்ணைத் தொட்டன வேத முழக்கங்கள் விண்ணைத் தொட்டன விக்ரமும் விண்ணைத் தொட்டது விண்ணைத் தொடும் சாதனை என்பார்  அது இதுதானோ  மந்திரம் போல் பறந்து மறைந்து சந்திரனில் அடைக்கலம் புகுந்த மரக்கலமே  சாதனைகள் சோதனையில்தான் தொடங்குகின்றன சென்ற முறை நின்றுபோனது இந்த முறை நின்று வென்றது விதியை மதியால் வெல்லலாம் என்பர் இன்று மதியை மதியால் வென்றுவிட்டனர் விடாமுயற்சியுடன் தன்னம்பிக்கையும் சேர்ந்து கொள்ள வெற்றிக்கனியை தட்டிப் பறித்த விஞ்ஞானிகளுக்கு வீர வணக்கம் வானவெளியில் ஒரு வீதி பிறந்தது விந்தைகளுக்கு புது கதவு திறந்தது விசை பெருகட்டும் வெற்றிகள் தொடரட்டும் வியப்புகள் குவியட்டும் மாயோன் அருளாலே பல மாயங்கள் விலகட்டும்.. வாழ்க பாரதம் வாழ்க வையகம்