சமுதாயம் புதிய பார்வை பெறட்டும்

By

 கண்கள் திறந்தன

காட்சிகள் விரிந்தன

மங்கலாகத் தெரிந்த
தூரத்துப் பச்சை
மங்களம் மிகுந்து
தெளிவாய் மிளிர்கிறதே

எங்கும் ஒளி
எதிலும் பளிச்சென
பொங்கும் அழகு
பூத்து ஒளிர்கிறதே

பூமி புதிதாகப்
பிறந்துவிட்டதா  
சூரியன் மறைய
மறந்துவிட்டதா

ஓ..புதிய பார்வை
கிடைத்துவிட்டதோ...

கண்ணிமை கருவிழி
காத்து நிற்கும் விழிவில்லை
விழிவில்லை ஒளிமங்க
முதுமை தரும் கருந்திரை 
விஞ்ஞான வியப்புமிகு
செரிவுநிறை சீரொளி
விரைந்து இயங்கி
புரைகரைக்கும் ஊடொளி
புதிய பார்வை தந்துவிடும்
புத்துலகைக் காட்டிவிடும்

கண்ணில் விழுந்த
புரைதனை போக்கிடலாம்
மண்ணில் விழுந்த
புரைகளை என் செய்வோம்

போற்றத்தகு பெண்மையை
தூற்றிவிடும் துயரம்
பெண் சக்தி பேசிவிட்டு
வன்புத்தியே தொடரும்

அரசியலில் ஆதாயமட்டுமே
தேடி நிற்கும் அவலம்
ஆட்சியில் மாட்சியென்பது 
வெறும் காட்சியான மடமை

கல்விக்கு விலைவைத்து
கலைகளைக் கொலை செய்து
கலாச்சாரத்தைக் காலால்
மிதிக்கும் கொடுமை
கருப்பப்பணம் கள்ளச்சந்தை
கலக்கம் தரும் கயமை

நாகரீக மோக மது
தடுமாறும் தலைமுறை
நல்லியல்பு தெய்வீகம்
நலிந்துவரும் நடைமுறை
எத்தனை புரைகள்
இந்த சமுதாயத்தில்
என்று புரியும்
என்று விடியும்

இறைவா....

விஞ்ஞான சீரொளிபோல்
மெய்ஞான பேரொளியை வீசிவிடு
விண்ணிலிருந்து கருனைமிகு கதிரோளியை கனிவுடனே பாய்ச்சிவிடு
உன் அருள்மழையால்
அழுக்குகளை அகற்றிவிடு
புரைகளையெல்லாம் கரைத்துவிடு  
சமுதாயம் புதிய பார்வை பெற்றுவிடட்டும்
புதிய பாரதம் வென்றுவிடட்டும்

Comments

  1. ChitraSeptember 7, 2023 at 8:48 AM

    Beautiful kavithai... Let the society get the new vision at the earliest...Congratulations.

    ReplyDelete
  2. குமார் ராஜசேகர்September 7, 2023 at 9:42 PM

    மிகவும் அழகான கவிதை சார். அருமை

    ReplyDelete
  3. AnonymousSeptember 8, 2023 at 3:31 AM

    Arumai 👍👍👍

    ReplyDelete
  4. Nagarajan SSeptember 8, 2023 at 3:39 AM

    Super Sir

    ReplyDelete
  5. திண்டுக்கல் தனபாலன்September 15, 2023 at 4:45 AM

    அருமை ஐயா...

    ReplyDelete
  6. KILLERGEE DevakottaiSeptember 18, 2023 at 8:16 PM

    கவிதை வரிகளை மிகவும் ரசித்தேன் நண்பரே
    கில்லர்ஜி தேவகோட்டை

    ReplyDelete

Post a Comment

Popular posts from this blog

இறையருள்

By
Image
இறையருள் என்பது இனிதானதொன்று  இறையருள் என்பது இதமானதுமன்றோ  இறையருள் பெறவே  இமய வலம் வேண்டாம் இறைஞ்சி உருகும் இதய வளம் போதுமே பணத்தால் பக்தியை அளப்பது மனித குணம்  மனத்தால் அருளை அளிப்பது இறைவன் குணம் பூசலார் நாயனார் மனக்கோவில் பூசனைகள் ஏற்றவன் இறைவன் படித்தால் மட்டும் படுவது அல்ல பரம்பொருள்  படிந்து வணங்கிட படிவது பரமன் அருள் வரம் தரும் அருளோ  வரம்பற்றது வரவு செலவு கணக்கோ அவன் அறியாதது புண்ணியம் என்பது பண்ணிய வினையின் விளைவேயாம் பங்களிப்பை பொறுத்து  பகிர்ந்தளிக்கப் படுவதில்லை  சங்கு உண்டு சக்கரம் கதையும் உண்டு பொங்கும் இசைக் குழலும்  உண்டு கோபாலன் கரங்களிலே சிங்க முகமும் உண்டு சீறிய விழியும் உண்டு எங்கும் காணவில்லை எடைக்கல்லும் துலாமும் ஆன்மீகத்தில் இப் படி  அப் படி  காண்பது எப்படி அது தப்படி சான்றோர் உரைப்படி நடப்பது முதற்படி நான் எனது ஒழிய முதற்படி  முதிர்ந்துவிடும் முற்றுப்படி யாகிவிடும் எளிமையாக வணங்குவோம்  முழுமையாக வணங்குவோம் கடந்தது கடந்ததாக இருக்கட்டும் நடப்பது நல்லதாக நடக்கட்டும் கடந்த கால கசப்புகள்  வருங்கால  வசந்தங்களாகட்டும் இறையருள் இனிதானது  இறை அருள் இதமானது
Read more

தை பிறந்தது

By
  தை பிறந்தது  நடந்ததை மறந்திரு  தை பிறந்தது  நடப்பதை நினைத்திரு  தை பிறந்தது  வருவதை அழைத்திரு  இறைவனவன் தருவதைக் களித்திரு  உள்ளத்தை உயர்த்திடு உயர்ந்ததை உணர்ந்திரு உணர்ந்ததை பகிர்ந்திரு பகிர்ந்ததை உவந்திரு வஞ்சத்தை வடித்திரு நெஞ்சத்தை நிமிர்த்திடு நல்லதை  இணைந்திரு அல்லதைப் பிரிந்திரு சொல்லதைச் சுவைத்திரு பொருளதைப் புரிந்திரு தேசத்தை  நேசித்திரு மொழியைப் பூசித்திரு திருவெலாம் சேரட்டும் தைத்திருநாளில் கூடட்டும் புதிய தை புதியதை கொடுக்கட்டும் இனிய தை இனியதைக் கொடுக்கட்டும்
Read more

பனி நிலவில் பாரதத் தேர்

By
நிலைத்து நிறுத்தி நிலவின்  மண்ணைத் தொட்டு நின்றது விக்ரம்  அலையாக அசைந்து இறகாக  இலகுவாக இறங்கி வென்றது சிலிர்த்து சீறிப் பாய்ந்த சிங்கம்   மதியின் அழகில் மதி மயங்கி சிறு குழந்தை போல்  முத்தமிட்டதோ... பனி தரும் நிலவின் வீதியில் பவனி வரும் பாரதத் தேர் வேண்டுதல்கள் விண்ணைத் தொட்டன வேத முழக்கங்கள் விண்ணைத் தொட்டன விக்ரமும் விண்ணைத் தொட்டது விண்ணைத் தொடும் சாதனை என்பார்  அது இதுதானோ  மந்திரம் போல் பறந்து மறைந்து சந்திரனில் அடைக்கலம் புகுந்த மரக்கலமே  சாதனைகள் சோதனையில்தான் தொடங்குகின்றன சென்ற முறை நின்றுபோனது இந்த முறை நின்று வென்றது விதியை மதியால் வெல்லலாம் என்பர் இன்று மதியை மதியால் வென்றுவிட்டனர் விடாமுயற்சியுடன் தன்னம்பிக்கையும் சேர்ந்து கொள்ள வெற்றிக்கனியை தட்டிப் பறித்த விஞ்ஞானிகளுக்கு வீர வணக்கம் வானவெளியில் ஒரு வீதி பிறந்தது விந்தைகளுக்கு புது கதவு திறந்தது விசை பெருகட்டும் வெற்றிகள் தொடரட்டும் வியப்புகள் குவியட்டும் மாயோன் அருளாலே பல மாயங்கள் விலகட்டும்.. வாழ்க பாரதம் வாழ்க வையகம்
Read more